𝐀𝐤𝐬𝐢𝐝𝐞𝐧𝐭 𝐦𝐞 𝐟𝐚𝐭𝐚𝐥𝐢𝐭𝐞𝐭 𝐧ë 𝐏𝐫𝐢𝐳𝐫𝐞𝐧, 𝐯𝐞𝐭𝐮𝐫𝐚 𝐠𝐨𝐝𝐞𝐭 𝐩ë𝐫 𝐯𝐝𝐞𝐤𝐣𝐞 𝐧𝐣ë 𝐤ë𝐦𝐛ë𝐬𝐨𝐫 𝐧ë 𝐥𝐚𝐠𝐣𝐞𝐧 “𝐀𝐫𝐛𝐚𝐧𝐚”

Rreth orës 18:00 të mbrëmjes së sotme, një aksident me pasojë vdekje ka ndodhur në rrugën “Wesley Clark” në lagjen Arbana të Prizrenit.

Sipas informacioneve të para, një veturë ka goditur një këmbësor, i cili për pasojë ka ndërruar jetë në vendngjarje.

Lajmin për TV Prizrenin e ka konfirmuar zëdhënësi i Policisë për Rajonin e Prizrenit, Shaqir Bytyqi, i cili ka bërë të ditur se njësitet policore dhe ekipi i emergjencës kanë dalë menjëherë në vendin e ngjarjes.

Hetimet për zbardhjen e rrethanave të aksidentit janë duke vazhduar.