Thomas Hitzlsperger i jep nofkën befasuese Granit Xhakës

Ish - futbollisti i njohur dhe legjenda e Aston Villës, Thomas Hitzlsperger, ka befasuar me vlerësimin e tij për futbollistin shqiptar Granit Xhaka.

Hitzlspergeri, i cili gjatë karrierës si lojtar njihej me nofkën “Çekiçi” për shkak të goditjes së fuqishme me këmbën e majtë, u pyet nga mediumi zviceran “Blick” se çfarë nofke do t’ia vendoste Granit Xhakës.

“Kjo është një pyetje shumë e mirë. ‘

Shefi’ do të ishte më e përshtatshmja, duke pasur parasysh se sa dominues është ai në fushë”, u shpreh Hitzlsperger.

Ai foli edhe për arsyet pse Xhaka është një lojtar i veçantë.

“Ai është lojtar ekipi. I bën bashkëlojtarët më të mirë.

Ka paketën e plotë: pasim të saktë, goditje të fortë dhe fuqi fizike. Është një lider i lindur”, nënvizoi Hitzlsperger.