Laporta: Nuk ka më blerje në janar!

Mediat spanjolle bëjnë me dije se presidenti i Barcelonës, Joan Laporta, ka vendosur që afati kalimtar i janarit të mbyllet këtu për klubin katalanas.

Përkundër pritshmërive, katalanasit nuk do të afrojnë asnjë lojtar tjetër deri në përfundim të merkatos.

Ndonëse klubi zyrtarizoi së fundmi Joao Cancelon, problemet e njohura financiare që ende nuk kanë gjetur zgjidhje mbeten një pengesë e madhe.

Drejtuesit e Barcelonës janë të vetëdijshëm se çdo blerje e re, pa u shoqëruar me shitje lojtarësh, do të ushtronte presion të papërballueshëm mbi buxhetin dhe do të rriste rrezikun e ndëshkimeve nga rregullat e “Financial Fair Play”.

Në këto kushte, Laporta ka zgjedhur të mos marrë rreziqe të mëtejshme financiare.

Ai beson se grupi aktual i lojtarëve që ka nën urdhra trajneri Hansi Flick është i mjaftueshëm për të rivalizuar dhe për të fituar titullin në La Liga.