Turku është mes 10 më të paguarve në Serie A

Kenan Jilldiz ka firmposur sot rinovimin me Juventusin, duke zgjatur marrëveshjen e tij me bardhezinjtë deri në vitin 2030, e paralelisht edhe duke rritur në mënyrë të ndjeshme përfitimet financiare.

Me këtë marrëveshje të re, Jilldiz përfiton 6 milionë euro neto në sezon, duke u bërë pjesë e 10 lojtarëve më të paguar në Serinë A.

Por që nga vera, ai do të jetë i dyti në listë, pasi rroga e tij do të shkojë në 7 milionë euro, sipas marrëveshjes me bardhezinjtë.

Më i paguar se ai do të mbetet vetëm Lautaro Martinez me 9 milionë euro, pasi Dushan Vlahoviç me 12 milionë euro në vit që përfiton aktualisht, do të mbyllë kontratën e tij me Juventusin dhe me shumë mundësi, pritet të transferohet në një kampionat tjetër.

10 lojtarët më të paguar në Itali

Dushan Vlahoviç – Juventus – 12 milionë euro

Lautaro Martinez – Inter – 9 milionë euro

Nikolo Barela – Inter – 6,5 milionë euro

Hakan Çalhanollu – Inter – 6,5 milionë euro

Paulo Dibala – Roma – 6,5 milionë euro

Kenan Jilldiz – Juventus – 6 milionë euro

Romelu Lukaku – Napoli – 6 milionë euro

Xhonatan Dejvid – Juventus – 6 milionë euro

Markus Turam – Inter – 6 milionë euro

Kevin De Bryjne (Napoli) dhe Alesandro Bastoni (Inter) – 5,5 milionë euro