Muslia nga Haraçina, talenti i jashtëzakonshëm me ëndrra të mëdha!

Topin e futbollit e ka si shokun e tij më të ngushtë.

Është vetëm 10-vjeçar, por ka një eksplozivitet të jashtëzakonshme në lojë.

Është ky vogëlushi Malik Muslia i lindur në Haracinë, më 17 prill 2015, por me ëndërra të mëdha para vetes.

Ai akualishtë është pjesë e FC Albion nga Shkupi, ku trajner i tij është Burim Miftari, ndërsa karrierën e ka nisur te Shkëndija e Haracinës.

“Maliki është futbollist i talentuar i gjeneratës 2015 te FC Albion – Shkup, i cili iu bashkua klubit tonë nga radhët e KF Shkëndija e Haraçinës.

Si trajner, mund të them se Maliku dallohet për shpejtësinë dhe eksplozivitetin që posedon në fushën e lojës.

Me punën dhe përkushtimin që tregon çdo ditë, besoj se në të ardhmen ai mund të arrijë të luajë edhe në një nga klubet e mëdha të futbollit”, thotë trajneri i tij Miftari.

Muslia luan në pozitën e sulmuesit anësor. Ai shquhet edhe për shpejtësi, driblime dhe instikt për gol!

Dëshira e madhe për futbollin nisi qysh në moshë të vogël, kurse familja e tij ka qenë një shtytje e madhe.

Si cdo i ri edhe Maliki ka ëndrrat e tij si fëmijë. Ai dëshiron që një ditë të ndjekë hapat e yllit të Real Madridit-brazilianit Vinicius– admiruesit të tij, kurse Real Madridin e ka klub të zemrës.

Po ashtu kur të rritet ëndërron të vesh edhe fanellën e Kombëtares shqiptare.

Tani si i vogël, së bashku me prindin e tij, e ndjek pothuajse çdo ndeshje të Shkëndijës së Haraçinës, duke qenë një tifoz i flaktë i saj.

Muslia ende është në fillim të rrugës, por hapat e tij po duken gjithnjë e më qartë.

Me talentin dhe punën e palodhur shpresojmë të ndërtojë një karrierë të suksesshme.