Trump konfirmon ndërhyrjen në FIFA për rishikimin e kartonit të kuq të Balogun

Presidenti i Shteteve të Bashkuara, Donald Trump, ka konfirmuar se i ka kërkuar FIFA-s të rishikojë vendimin për pezullimin e sulmuesit amerikan Folarin Balogun gjatë Kupës së Botës.

Sipas deklaratës së tij, ai ka zhvilluar një bisedë me presidentin e FIFA-s, Gianni Infantino, ku ka shprehur pakënaqësinë e tij për kartonin e kuq të dhënë ndaj 25-vjeçarit në ndeshjen kundër Bosnjë-Hercegovinës.

Trump tha se sipas tij incidenti nuk përbënte faull, duke e cilësuar vendimin e gjyqtarit si të gabuar dhe duke shtuar se situata nuk meritonte ndëshkim të tillë.

“E pashë ndeshjen. Nuk ishte faull. Ishin dy lojtarë që vraponin me shpejtësi të plotë dhe u përplasën rastësisht,” u shpreh Trump gjatë një deklarate në Shtëpinë e Bardhë.

Më herët, FIFA mori vendimin e pazakontë për të pezulluar dënimin me një ndeshje ndaj Balogun, duke i mundësuar atij të aktivizohet në sfidën e 1/8 së finales ndaj Belgjikës.

Vendimi ka ngjallur reagime të ndryshme në opinionin sportiv, përfshirë edhe Federatën e Belgjikës, e cila ka kërkuar sqarime zyrtare nga organet drejtuese të futbollit.