James Rodriguez zgjedh kë do të donte në ekipin e tij

Ish-mesfushori i Real Madrid-it, James Rodriguez, ka zbuluar se kë do të donte në ekipin e tij mes Cristiano Ronaldos dhe Lionel Messit.

Ylli kolumbian iu bashkua Los Blancos në verën e vitit 2014, menjëherë pas paraqitjes magjike në Kupën e Botës 2014.

Në Santiago Bernabeu, Rodriguez ndau fushën me superyllin portugez 86 herë, duke kontribuar në realizimin e 18 golave së bashku.

Kolumbiani fitoi trofe të shumtë me gjigantët e La Liga-s përpara se t’i bashkohej Bayern Munich në formë huazimi në vitin 2017.

Rodriguez kaloi dy sezone me bavarezët përpara se të kthehej te Real Madrid në 2019. Ai u largua nga Los Blancos në 2020 për t’u transferuar tek Everton.

Rodriguez u pyet së fundmi se cilin lojtar do të donte në ekipin e tij.

Pavarësisht se ka luajtur me Cristiano Ronaldon te Real Madrid, kolumbiani zbuloi se do të preferonte të kishte Lionel Messin në krah të tij.

“Lojtari që do të doja të luaja në ekipin tim? Messi,” tha Rodriguez përmes Barca Universal.

Është interesante se kolumbiani është përballur tetë herë në karrierën e tij me Lionel Messin, duke fituar dy dhe duke humbur gjashtë ndeshje.

Argjentinasi aktualisht luan për skuadrën e MLS Inter Miami, megjithëse kontrata e tij me Herons skadon në fund të këtij sezoni.

Ndërkohë, Cristiano Ronaldo është me Al-Nassr në skuadrën Saudite Pro League dhe ka hyrë në gjashtë muajt e fundit të kontratës së tij me klubin.