Kryediplomati turk takohet me ministrin britanik për çështjen e Qipros

Hakan Fidan dhe Stephen Doughty takohen në Gjenevë në kuadër të takimit joformal mbi çështjen e Qipros.

Ministri i Jashtëm i Turqisë, Hakan Fidan, u takua të martën në Gjenevë me ministrin britanik të Shtetit për Evropën, Amerikën e Veriut dhe Territoret Jashtë Shtetit, Stephen Doughty.

Sipas një deklarate të Ministrisë së Jashtme turke, takimi u zhvillua në margjinat e takimit joformal mbi çështjen e Qipros, që po mbahet në një format më të gjerë në Gjenevë.

Nuk u dhanë detaje të mëtejshme mbi bisedimet e tyre.

Takimi mbi çështjen e Qipros, i organizuar nga Sekretari i Përgjithshëm i OKB-së, António Guterres, mblodhi së bashku liderët turkoqipriotë dhe grekoqipriotë, si dhe përfaqësues nga tre shtetet garantuese të ishullit – Turqi, Greqi dhe Mbretëri e Bashkuar – nën kujdesin e Kombeve të Bashkuara.

Qëllimi i takimit është të ofrojë një platformë për diskutime mbi rrugën përpara për ishullin e ndarë dhe zgjidhjen e mosmarrëveshjes shumëvjeçare.