Chelsea mbyll marrëveshjen me Sportingun

Skuadra portugeze e Sporting CP ka konfirmuar se ka arritur një marrëveshje me Chelsea për transferimin e dy futbollistëve: Geovany Quenda (17 vjeç) dhe Dario Essugo (20 vjeç).

Sipas mediave portugeze, skuadra londineze ka paguar në total rreth 60 milionë stërlina për dy talentet: 40 milionë stërlina për Quenda dhe 18.5 milionë për Essugo, që do të mbërrijnë së shpejti.

Mbrojtësi i krahut Quenda, 17 vjeç, ka luajtur 44 herë për Sporting CP këtë sezon, përfshi edhe 10 ndeshje në Champions League.

Ai do të zbarkojë në Londër verën e vitit 2026. Ndërsa mesfushori Essugo është aktualisht në huazim te klubi i Las Palmas (në La Liga) dhe do të transferohet në vitin 2025.

Chelsea është shumë i impresionuar me zhvillimin e shpejtë të 20-vjeçarit.

Ata e shohin atë si një fitues të topit që do t’i shtojë kualitet skuadrës së tyre dhe do të luajë rregullisht.

Essugo do të nënshkruajë një kontratë shtatëvjeçare në Stamford Bridge

. Ai u bë lojtari më i ri i Sporting kur bëri debutimin e tij me ekipin e parë një javë pasi mbushi 16 vjeç në vitin 2021.