Trajneri Motta nuk e mori në konsideratë

Në fitoren 3-0 që Fiorentina arriti ndaj Juventus në ndeshjen e fundit në Serie A, mesfushori Nicolo Fagioli, që në janar u transferua nga bardhezinjtë në Firence, u hakmorr ndaj ish-skuadrës së tij. Sipas tij, Juventus ia ktheu shpinën.

“Lamtumira nuk ishte pa dhimbje. Kam qenë njëmbëdhjetë vjet te Juventus. Kur në fund të dhjetorit vendosa të largohesha, u ndjeva më i lehtë. Por në momentin e lamtumirës qava. Ishte Një goditje e vërtetë”, kujton Fagioli, 69 ndeshje e 3 gola me Juventus.

“Qava pa e kuptuar. Atë ditë kuptova se një fazë e gjatë e jetës sime po përfundonte. Po lija vendet e mia, shoqëruesit, rrugëtimin tim të përditshëm. Ishte traumatike. Fiorentina më priti me kaq shumë dashuri dhe risia përfundoi duke mbizotëruar mbi të tjerat”, tha Fagioli.

Më tej, mesfushori m24-vjeçar, shtoi: “Edhe Moise Kean u ndje në të njëjtën mënyrë kur iku. Te Juve kemi qenë gjithmonë ata të sektorit të të rinjve, të gjeneratës tjetër, të trajtuar si të tillë. Një çmim që ne kemi paguar”.

Tranzicioni nga Allegri te Thiago Motta ishte traumatik: “Tek Juve duhet të fitosh, të fitosh, të fitosh, nuk mund të bësh gabime. Nëse gabon, del jashtë. Dhe nëse je i riu, bëhesh zëvendësuesi i parë dhe askush nuk thotë asgjë. Vetëm Allegri më dha mundësinë të luaja vazhdimisht”.

“Pas ndeshjeve ndaj Genoa dhe Leipzig, trajneri Motta nuk më konsideronte më. Firence më ktheu kënaqësinë dhe butësinë. Fagiolino ka vdekur, sot jam Nicolò.

Kur e di që trajneri nuk të sheh, nëse nuk ke vetëbesim përgatitesh më keq, ndjen peshën e stërvitjes dhe natyrisht nuk performon. Nëse futesh për tre, katër minuta dhe të thonë se duhet të hysh më mirë, diçka negative bie brenda teje”, tha Fagioli.