Conceiçao: Duam të fitojmë

Milani rikthehet në fushë pas pushimit të kombëtareve dhe gjendet menjëherë në një udhëkryq: duhet të fitojë në Napoli për të mbajtur gjallë shpresat e Champions League, me vendin e katërt, të mbajtur prej Bologna aktualisht, 6 pikë larg.

Përballë ekipit të Contes, kuqezinjtë nuk mund të lejojnë hapa falsë të tjerë, edhe sepse përpara tyre janë gjithashtu Juventusi, Lazio, Roma e Fiorentina. Sergio Conceiçao e prezantoi kështu, në konferencën për shtyp, sfidën e “Maradona”.

Sfida e parë e juaja kundër Contes. Pse është e domosdoshme fitorja nesër në Napoli?

"Me Antonion jemi përballur shumë herë si lojtarë, por kjo është hera e parë si trajnerë.

Është një ndeshje e rëndësishme për objektivat tanë, do të bëjmë gjithçka për të marrë rezultat pozitiv.

Për këtë arsye, ndeshja e nesërme është thelbësore.

Duam të fitojmë, duke qenë të vetëdijshëm për cilësinë e kundërshtarit", - tha Sergio Conceiçao.