Ancelotti zbulon arsyen pse vuajti Real Madridi në ndeshjen ndaj Leganesit

Real Madridi ka marrë një fitore me shumë vuajtje ndaj Leganes me rezultat 3-2.

Los Blancos kaluan të parët në epërsi, por në pushim mes pjesëve shkuan në disavantazh 1-2.

Trajneri i Real Madridit, Carlo Ancelotti ka treguar arsyen pse skuadra e tij vuajti shumë në këtë ndeshje, duke thënë se kjo ndodhë gjithmonë pas pushimit të klubeve për ndeshjet e Kombëtareve.

“Kemi luajtur një lojë të mirë. Do të thoja se e menaxhuam mirë ndeshjen. Por na mungonte ekuilibri. Kjo është arsyeja pse pranuam dy gola”, tha Carlo Ancelotti për La Liga TV.

“Ndjehem sikur dolëm shumë mirë në pjesën e dytë, por në fund vuajtëm”.

“Kjo është ajo që marrim pas pushimit ndërkombëtar. Por problemi ynë më i madh është se na mungonte ekuilibri”, tha Ancelotti.

Real Madridi është barazuar me Barcelonën me nga 63 pikë, megjithatë katalunasit kanë një ndeshje më pak të zhvilluar.