Kupa e Shqipërisë merr “skenën”, të mërkurën dhe të enjten luhen takimet çerekfinale

Vllaznia, Egnatia, Partizani dhe Dinamo përveç “luftës” që do të bëjnë mes tyre për titullin, do të sfidohen edhe në Kupën e Shqipërisë.

Të 4-ta ekipet janë të kualifikuara në çerekfinalen e Kupës dhe mes tyre do të bëjnë llogaritë për në gjysmëfinale.

Siç dihet Vllaznia do të duelojë me Dinamon, me sfidën e parë që shkodranët do ta luajnë në “Loro Boriçi”. Duel ky që është parashikuar të zhvillohet me 2 prill në orën 19:00.

Një ditë më pas, saktësisht të enjten do të luhet takimi tjetër i çerekfinales. Egnatia do të presë në “Egnatia Arena” në orën 19:00 ekipin e Partizanit.

Sfida mjaft të rëndësishme dhe shumë të luftuara mes ekipeve, të cilat synojnë dhe do të kërkojnë vetëm fitoren.