Kërkojnë finalen pas 21 vitesh

Partizani të gjithë fokusin e ka kthyer prej kohësh te dueli me Egnatian, takim që do të luhet ditën e nesërme në “Egnati Arena”. Përballje kjo e vlefshme për gjysmëfinalen e parë në Kupën e Shqipërisë, ora 19:00.

Trofeu i Kupës iu mungon kryeqytetasve prej më shumë se 21 vitesh dhe pikërisht për këtë do të jenë “all-in” në fushë ndaj kampionëve në fuqi për të tentuar edhe kalimin në finale.

Tifozët e kuq kanë besim të plotë te Skënder Gega dhe tashmë presin që me tropojanin në stol të fitojnë sërish trofe.

Lajm i mirë për Gegën është që ka grupin e plotë, me përjashtim të Eleke dhe Blessing që kanë pak probleme fizike, me stafin që shpreson që deri nesër të mund të rikuperohen dhe të jenë gati për të zbritur në fushë.