Trajnerit personal në gjyq: Me Ilary isha në lidhje nga viti 2020

20 minuta dëshmi, që ndryshojnë gjithçka.

Trajneri personal Cristiano Iovino është dëgjuar nga gjykatësja Simona Rossi, e cila do të vendosë për divorcin mes Ilary Blasit dhe Francesco Tottit.

Kaq zgjatur dëshmia e tij, e kërkuar me ngulm nga avokatët e ish-kapitenit të Romës (Antonio Conte, Laura Matteucci), të cilët e përfshinë emrin e tij në listën e dëshmitarëve që mund të rindërtojnë arsyet dhe kohën e krizës së gjatë martesore në familjen “Totti”

Nën betim, Iovino ka konfirmuar atë që tashmë ishte lënë të kuptohej nga mediat. Marrëdhënia e tij me Ilary nuk ishte thjesht një miqësi, por një lidhje e mirëfilltë emocionale, me takime, intimitet dhe besim reciprok.

Me trajnerin personal, situata shkoi përtej "kafesë" neutrale, siç kishte tentuar ta paraqiste më parë Ilary.

Natyrisht, çështja nuk është mbyllur ende, aq më tepër që dje, më 1 prill, në gjykatë janë dëgjuar edhe dy dëshmitarë pro-Blasi. Megjithatë, në rrethin e ish-futbollistit ka një ndjenjë optimizmi.

Duhet kujtuar se në lojë është edhe pensioni familjar, të cilin moderatorja e njohur televizive italiane, e cila ende banon në vilën në Eur, dëshiron ta rrisë. Datat janë të rëndësishme, pasi Iovino flet për një njohje me Ilary që daton nga viti 2020.

A do ta ketë bindur kjo dëshmi gjykatësen Rossi? Ndërkohë, trajneri personal ka konfirmuar edhe krizën martesore të çiftit “Totti”, duke shpjeguar, siç ka bërë edhe më parë, se kur ai dhe Ilary filluan të shiheshin në Milano, familja “Totti” tashmë ishte e shpërbërë dhe besimi mes të dyve nuk ekzistonte më.

Pra, kjo dëshmi ka kundërshtuar versionin e dhënë nga moderatorja televizive në dokumentarin e saj në Netflix, “Ilary”, ashtu siç kishte bërë edhe më parë në deklarata publike.

“Personal trainer“-i në fjalë, i cili vitin e kaluar u bë “viktimë” e një sulmi fizik në Milano, kishte deklaruar më parë në një intervistë për “Il Messaggero”: "Me Ilary Blasi jemi njohur në vitin 2020 përmes rrjeteve sociale. Më pas, vendosëm të takoheshim personalisht në një ekspozitë të Banksy-t, që mbahej në qendër të Romës.

Takoheshim kur na lejonin angazhimet e punës. Mund të kalonin muaj pa u parë, pasi unë isha shpesh jashtë qytetit. Shpesh takoheshim në shtëpinë time, por ndonjëherë edhe në dyqanin e Alessia Soldanit në Parioli".