Emergjenca në mbrojtje

Të martën seanca stërvitore e Bajernit të Mynihut ishte me dyer të hapura ndërsa pranë fushave ishin plot 600 tifozë. Të pranishmit iu gëzuan stërvitjes të Herri Kejnit dhe Tomas Mylerit, por gjithashtu u interesuan edhe për gjashtë profile lojtarësh, të cilët nuk i njihnin.

Pak ditë më pas është mësuar se gjashtë lojtarët e panjohur ishin pjesë e akademisë së Bajernit të Mynihut dhe po stërviteshin me të rriturit pasi kështu Kompani do të plotësonte numrat që i duheshin për të zhvilluar normalisht testin rutinë të ekipit. 

Siç dihet në ditët e fundit klubi bavarez është duke u përballur me një “epidemi” të vërtetë dëmtimesh. Dejvis dhe Ito kanë mbyllur sezonin madje rrezikohet që ti shikojmë në aksion vitin tjetër ndërsa Upamekano mund të rikuperohet në kohë për finalen e Champions League të 31 majit.

Kompani kishte hedhur në fushë portierin kampion bote për moshat deri në 17 vjeç Maks Shmit (19 vjeç), por gjithashtu në akasion u panë edhe yjet e sulmit siç janë Lenart Karl (17), Jonah Kusi-Asare (17) dhe Xhonatan Asp Jensen (19).

Kompani kërkoi që të testonte mbrojtësin Kasiano Kiala. 16-vjeçari mbërriti verën e kaluar në Mynih pasi u largua nga Hertha BSC. Një tjetër profil është edhe ai i Kivano Vijks. 16-vjeçari aktivizohet si mbrojtës krahu i djathtë, por luan edhe në qendër të mrbojtjes. Edhe ai mbërriti në Mynih verën e kaluar kur vendosi të largohej nga Fejnordi.

Roko Mijatoviç është një tjetër talent, i cili aktivizohet në qendër të mbrojtjes, por shpesh herë është parë që të luajë edhe si mesfushor shkatërrues. 17-vjeçari i ardhur verën e kaluar nga Ingolshtad është grumbulluar me ekipet e moshave të Kroacisë.

Një tjetër profil është edhe ai i Rafael Pavliç. 17-vjeçari ka lindur në Mynih dhe është në klub që prej 2016. Ai ka luajtur edhe me Gjermaninë e moshave deri në 17 vjeç në rolin e qendërmbrojtësit.

Magnus Dalpiaz është një tjetër profil interesant. Mbrojtësi 18-vjeçar është një lojtar, i cili luan në të gjitha pozicionet e mbrojtjes. Ai është i biri i ish-portierit të Austrisë,

Claus Dalpiaz. I fundit në këtë listë është edhe Zhulien Gerd-Joakim Janda. 17-vjeçari ka mbërritur në Mynih në janar pasi braktisi Sankt Paulin. Ai është lojtari, i cili ka bërë edhe më shumë progres në formim pasi është i aftë të luajë si në sulm dhe në mbrojtje në krahun e majtë.