Drejtori sportiv i Bayernit: Nuk jemi ekip i një futbollisti!

Historia mes Thomas Mullerit dhe Bayernit të Mynihut është në metrat e fundit.

Siç dihet klubi nuk ka ndërmend të zgjasë kontratën e legjendës së skuadrës edhe për një vit tjetër siç ishte dëshira e vetë Mylerit. Fakti se palët kanë plane të ndryshme për të ardhmen ka vendosur në pozita mjaft të vështira drejtuesit e Bajernit përballë tifozëve.

“Unë kam punuar me disa lojtarë, të cilët i kanë dedikuar jetën skuadrave ku kanë luajtur për shumë vite, por vjen një pikë dhe duhet ardhur në një përfundim dhe të gjithë së bashku të thonë mjafton me kaq”, tha drejtori sportiv i Bajernit.

Me fjalë të tjera Maks Eberl pranoi se aventura e Thomas Mullerit në Mynih ka mbaruar. Skuadra e Bajernit e konsideron pagën e lojtarit (rreth 19 mln euro ne sezon) shumë të lartë për kontributin minimal që tashmë ai jep në fushë.

Bajerni është gati që të luajë edhe një ndeshje lamtumire për Mylerin edhe ka shumë dëshirë që të bëjë një kontratë të veçantë me lojtarin për ta marrë në Botërorin e Klubeve që do të mbahet në Shtetet e Bashkuara të Amerikës.

Do të jetë pikërisht ai turneu i fundit i Mylerit me ngjyrat e klubit ku militon prej 17 vitesh.