Kombëtarja e femrave mbyll përgatitjet për ndeshjen me Kroacinë

Kombëtarja shqiptare e femrave është gati për ndeshjen e radhës në UEFA Nations League ndaj Kroacisë.

Nën drejtimin e trajnerit Armir Grima, vajzat i dhanë fund përgatitjeve në stadiumin “Loro Boriçi”, aty ku do të luhet ndeshja.

I gjithë ekipi është në gjendje të mirë dhe vajzat do të jenë në dispozicion të trajnerit për ndeshjen ndaj Kroacisë.

Takimi Shqipëri – Kroaci do të luhet nesër, në orën 16:00, në stadiumin “Loro Boriçi”.

Kombëtarja e femrave ka nevojë për mbështetjen e tifozëve në këtë sfidë dhe hyrja në stadium “Loro Boriçi” është falas.