Enrique i lumtur me titullin e fituar

Paris Saint Germain ka fituar titullin e 13-të në Ligue 1, teksa këtë e arritën gjashtë ndeshje para fundit të kampionatit.

Për Luis Enriquen ky ishte titulli i dytë në Francë, teksa ai është shprehur shumë i lumtur me këtë arritje.

“Unë mendoj se e gjithë kjo është një përmbledhje e një sezoni të tërë, me momente ndonjëherë të vështira,” tha Luis Enrique pasi PSG siguroi titullin e tyre të 13-të në Ligue 1.

“Kemi mundur t’u japim një gëzim të madh fansave dhe i falënderoj për mbështetjen e tyre. Kemi pasur edhe momente të mira. Pastaj ishte shumë bukur të festonim në Parc des Princes para fansave tanë”.

“Që nga sezoni i kaluar, publiku ka kuptuar gjithçka që kemi bërë”.

“Ne punojmë si ekip, është diçka që mund ta shohim. Është një fat i madh të kesh një ekip që mund të luajë futboll shumë të mirë”.

“Unë kam lojtarë të nivelit të lartë. Ata kanë sakrifikuar shumë. Jam me fat që kam lojtarë të tillë të talentuar,” shton Enrique.

PSG fitoi titullin duke qëndruar i pamposhtur pas 28 ndeshjesh. Megjithatë, ata kanë edhe gjashtë ndeshje të tjera për të konfirmuar statusin e tyre të pamposhtur në mënyrë historike.