Manchester United në presion të Lyonit

Të enjten nisin sfidat çerekfinale të Europa League dhe një nga përballjet më interesante të mbrëmjes është ajo mes Olympique Lyon dhe Manchester United, që do të masin forcat në “aktin e parë” të kësaj sfide që vlen një vend në gjysmëfinale. 

Lyon ka qenë në formë të mirë kohët e fundit, duke fituar katër nga pesë ndeshjet e fundit të Ligue 1.

Ndeshja e tyre më e fundit në kampionat ishte fitorja 2-1 ndaj Lille që i lejoi ata të kërcejnë në vendin e pestë në ligë dhe të mbajnë gjallë shpresat e tyre për të siguruar një vend në Ligën e Kampionëve.

Ndërkohë, United nuk ka ambicie të tilla në kampionat pasi është në vendin e 13-të në Premier League dhe nuk ka asnjë shans realist për t’u ngjitur në top 5. “Djajtë e Kuq” kanë pasur vështirësi për të shënuar gola kohët e fundit, pasi nuk e kanë gjetur rrugën e rrjetës në 2 ndeshjet e fundit.

4 herë janë përballur mes tyre dy skuadrat në Europë me Manchester United që nuk njeh humbje, duke fituar 2 dhe duke barazuar 2 takime.