Suedia e Finlanda arrijnë marrëveshje për evakuimin e civilëve në rast lufte

Suedia dhe Finlanda thellojnë bashkëpunimin në mbrojtje dhe përkatësisht në rast lufte ato duhet ta ndihmojnë njëra-tjetrën në evakuimin masiv të civilëve, shkruan Aftonbladet suedez.

"Ky mision do të rrisë ndjeshëm aftësitë," tha Carl-Oskar Bohlin, ministri suedez i Mbrojtjes Civile.

Qeveria ka ngarkuar Ministrinë e Mbrojtjes Civile të krijojë një plan, së bashku me Finlandën, për një evakuim në shkallë të gjerë ndërkufitar në rast lufte ose krize.

Misioni është pjesë e detyrimeve të Suedisë në kuadër të anëtarësimit në NATO dhe parasheh rishikimin e furnizimit me materiale brenda shërbimeve emergjente dhe mbrojtjes civile.

"Mbrojtja e popullsisë civile gjatë një gjendje alarmi të shtuar dhe në rrethana ekstreme të luftës është një detyrë e rëndësishme e mbrojtjes civile. Nëse ndodh më e keqja, Suedia dhe Finlanda duhet të kenë të gjitha mjetet në dispozicion për të mbrojtur vendet tona dhe për të mbrojtur popullsinë civile. Ky mision do të rrisë ndjeshëm aftësitë tona në këtë drejtim", tha Bohlin.

Një plan për evakuim në shkallë të gjerë ndërkufitar është gjithashtu diçka që Suedia duhet të ketë tani që ajo është anëtare e NATO-s, raporton Aftonbladet.