Vincenzo Italiano është kthyer në “specialist”

Vincenzo Italiano po shkruan historinë si një nga trajnerët më të suksesshëm në arritjen e finaleve në futbollin italian, por ende i mallkuar për suksesin përfundimtar. Në harkun e vetëm 24 muajve, ai ka arritur të çojë dy skuadra të ndryshme në tri finale të rëndësishme: dy me Fiorentinën dhe tani një me Bolognën.

Pas një sezoni të jashtëzakonshëm me “vjollcat”, ku arriti në finalen e Kupës së Italisë ndaj Interit dhe më pas në atë të Conference League ndaj West Ham në 2023, Italianos i mungoi vetëm trofeu. Mallkimi u përsërit këtë vit, kur Fiorentina humbi sërish finalen e Conference League, këtë herë përballë Olympiacos.

Tani, me një Bologna që ka befasuar të gjithë sezonin dhe ka eliminuar Milanin në rrugën drejt finales,

Italiano ka një tjetër mundësi të artë për të thyer këtë tabu më 14 maj në Olimpico. Përballë do të ketë pikërisht Milanin, kundërshtarin që e ka mposhtur në kampionat, duke e njohur mirë përballjen.

Pavarësisht statistikave mbresëlënëse në arritjen e finaleve, ajo që mungon në CV-në e trajnerit sicilian është një trofe i ngritur lart, një mungesë që ai shpreson ta fshijë njëherë e mirë këtë muaj në Romë.