KF Arsimi kërkon tre pikë në Radovish, që të jetë sa më afër elitës së futbollit të Maqedonisë

Skuadra shqiptare Arsimi nga Çegranit është në formë të mirë dhe synojnë tre pikë në qytetin e Radovishit.

Përballja Detonit Plaçkovica dhe Arsimi luhet nesër (16.00) në kuadër të javës së 26-të të Ligës së Dytë të Maqedonisë së Veriut në futboll. 

Makedonija GP kryeson me 56 pikë sa ka edhe Bashkimi, Arsimi renditet në pozitën e tretë me 54 sosh.
Detonit Plaçkovica është në vend të gjashtë me 36 pikë.

“Ekipi ynë është në formë të jashtëzakonshme me plotë 7 fitore radhazi, dhe me shumë motiv, besim, dëshirë do të hyjë edhe në këtë ndeshje për të marrë maksimumin, ndërsa ekipi i Detonitit tash e sa vite është ndër ekipet më të forta në shtëpi, dhe luan futboll të bukur e sulmues, që janë siguri që na pret një ndeshje e bukur dhe shumë interesante! 

Pritet kjo të jetë ndër ndeshjet më të vështira si mysafirë në këtë sezon, në një terren që është shumë i papërshtatshëm për cilëndo skuadër, andaj, djemve ju duhet besim dhe përkrahje maksimale. 

I urojmë djemve tanë suksese e shumë fat në arritjen e qëllimit.

Bashkë jemi më të fortë, jemi të pathyeshëm!”, njofton KF Arsimi.