Zelensky: Ukraina do të përshpejtojë zhvillimin e raketave vendase

Presidenti ukrainas Volodymyr Zelensky njoftoi se Ukraina do të përshpejtojë zhvillimin e programit të saj të raketave balistike , duke i quajtur aftësitë me rreze të gjatë veprimi “një garanci të qartë dhe efektive të sigurisë”.

Në një deklaratë në Telegram, Zelensky tha se “detyra është të përshpejtohet sa më shumë që të jetë e mundur krijimi i balistikës ukrainase”.

Ai shtoi se Komandanti i Përgjithshëm Oleksandr Syrskyi dha disa informime gjatë ditës, me fokus në kushtet e vijës së frontit në rajonin e Donetskut, veçanërisht pranë Pokrovskut, si dhe operacionet në rajonet Kursk dhe Belgorod të Rusisë.

“Rusia vazhdon të refuzojë një armëpushim të plotë dhe afatgjatë – të gjithë partnerët janë tashmë të lodhur nga këto manipulime ruse”, shtoi ai.