Milani mundet në finalen e Kupës, stadiumi shpërthen në kontestime: Kardinale, largohu!

Milani mund t’i jepte një tjetër ngjyrë sezonit me një fitore të mundshme sot në Kupën e Italisë, por gjërat nuk kanë shkuar ashtu siç shpresonin kuqezinjtë të cilët u mposhtën në finale përballë Bolonjës.

Një humbje që ka kthyer përsëri urrejtjen e tifozëve kuqezinj ndaj drejtuesve të klubit, të cilët vlerësohen si fajtorët e vetëm të situatës që kanë kaluar në këtë edicion.

Kësisoj, pas vërshëllimës përfundimtare në “Olimpico”, në një anë të stadiumit ishte festa e tifozëve të Bolonjës për trofeun, ndërsa në anën tjetër, nisi kontestimi i hapur i tifozëve të Milanit.

Mbi 30 mijë tifozë të pranishëm thuajse në kor nisën thirrjet “Kardinale largohu”, apo “Kardinale duhet të shesësh”:, për të bërë të qartë pozicionimin e tyre kundër drejtuesve aktualë kuqezinj.