Gjermania tronditet në prag gjysmëfinales së Ligës së Kombeve
- Bota Sot
Gjermania tronditet në prag të gjysmëfinales së Ligës së Kombeve, ku do të përballet me Portugalinë në 4 qershor.
Ndihmës trajneri Sandro Vagner do të largohet nga “pancerat”.Vagner iu bashkua stafit të trajnerëve të Julian Nagelsman së bashku me Benjamin Glück në shtator 2023.
Ai më parë punoi si ndihmës trajner i ekipit të Gjermanisë U-20 nën drejtimin e Hannes Ëolf, ku mbështeti Rudi Völler (atëherë trajner i përkohshëm) në një ndeshje për ekipin e parë pas largimit të Hansi Flik. Ai është në rrugën e duhur për të fituar licencën më të lartë të trajnerit në Gjermani.
“Në një nivel personal, e kuptoj dhe e respektoj plotësisht dëshirën e Sandros për t’u bërë trajner. Gjithmonë kemi pasur komunikim të qartë dhe transparent në lidhje me këtë.
Sandro ka qenë një aset i vlefshëm për ekipin tonë falë ekspertizës dhe personalitetit të tij. Ajo që filloi si një projekt për Europian në vitin 2024 është zhvilluar në një partneritet afatgjatë dhe të besueshëm me Benjamin Glück dhe të gjithë stafin e trajnerëve, dhe tani duam ta përfundojmë me një fitore në Ligën e Kombeve në Mynih. I uroj Sandros gjithë të mirat për hapin tjetër në karrierën e tij”, deklaroi Nagelsman.
“Të punoja si ndihmëstrajner i ekipit kombëtar gjerman ishte dhe mbetet një privilegj i madh për mua.
Do të jem gjithmonë mirënjohës për këtë mundësi dhe jam krenar që kam arritur kaq shumë së bashku me këtë ekip fantastik trajnerësh. Kampionati Evropian në shtëpi do të jetë gjithmonë një përvojë e paharrueshme për mua.
Megjithatë, dua të bëj hapin tjetër. Nuk është sekret që dua të bëhem trajner kryesor një ditë.
Fillimi i udhëtimit tim si trajner profesionist në janar vetëm sa i ka bërë gjërat të qarta për mua, dhe kam qenë shumë i hapur në komunikimin tim me të gjithë në DFB. Jam shumë mirënjohës për mirëkuptimin e tyre.
Tani mund të punojmë së bashku dhe të përqendrohemi plotësisht në qëllimin tonë të radhës: fitimin e Ligës së Kombeve në shtëpi. Do të jap gjithçka që kjo të ndodhë”, shpjegoi Vagner.
