Legjenda paralajmëron Guardiolan

Legjenda e Anglisë, Paul Gascoigne, ka sugjeruar që lojtarët e Manchester Cityt janë mërzitur nga taktikat e trajnerit Pep Guardiola.

Gascoigne foli me EsportsInsider rreth asaj se si sezoni katastrofik mund të jetë për shkak të mërzisë.

“Ata patën atë seri të keqe ndeshjes. Ndonjëherë lojtarët mund të mendojnë, ‘oh, po bëjmë të njëjtën gjë’. Mund të mërzitesh duke luajtur futboll. Duke bërë të njëjtën gjë dhe duke u stërvitur.

Dëgjon të njëjtat biseda të ekipit dhe gjëra të tilla. Kjo mund të ketë një efekt negatov te lojtarët”.

City do të kthehet në fushë për Kupën e re të Botës për Klube FIFA, që fillon në qershor në Shtetet e Bashkuara, në atë që mund të jetë një epokë e re nën drejtimin e Guardiolës, veçanërisht pasi Haaland e përshkroi sezonin si “të tmerrshëm”, gjë që mund ta shtyjë atë të ndryshojë taktikat e tij për të krijuar një ekip që mund të luftojë për titullin sezonin e ardhshëm.