Ky është grupi i famshëm që do të performojë para finales së Ligës së Kampionëve

Finalja e UEFA Champions League 2025 do të zhvillohet të shtunën, më 31 maj, në Allianz Arena të Mynihut, duke filluar në orën 21:00. Në këtë përballje, Paris Saint-Germain (PSG) do të ndeshet me Inter Milanin për herë të parë në një finale të këtij kompeticioni, transmeton KosovaPress.

Kjo është finalja e shtatë për Interin, i cili ka fituar tre herë më parë këtë kompeticion. Lautaro Martínez ka shënuar nëntë gola në Champions League këtë sezon. Denzel Dumfries dhe portieri Yann Sommer kanë qenë gjithashtu të rëndësishëm në rrugëtimin e Interit drejt finales.

Para fillimit të ndeshjes, grupi amerikan i rockut Linkin Park do të performojë në ceremoninë e hapjes. Gjithashtu, violinisti gjerman David Garrett do të interpretojë një version të ri të këngës "Seven Nation Army" gjatë prezantimit të trofeut.

Në Paris, Kulla Eiffel do të ndriçohet me ngjyrat e PSG-së një orë para fillimit të ndeshjes dhe do të shkëlqejë sa herë që PSG shënon gol. Kjo është një shenjë e mbështetjes së qytetit për ekipin e tyre në këtë moment historik.