Shala: Vuçiq qëndron prapa protestave në Serbi

Prapa protestave në Serbi qëndron vetë presidenti Alleksandar Vuçiq.

Kështu u shpreh, eksperti i sigurisë, Drizan Shala, në emisionin “Ora 7”.

Sipas tij, këto protesta janë pjesë e një skenari më të gjerë për të mbajtur opinionin e brendshëm dhe rajonal nën tension.

“Vuçiq qëndron prapa këtyre protestave, sepse vetëm në këtë formë dhe mënyrë e mban opinionin të tensionuar dhe krijon një mjegull të së pavërtetës. Protestat në Beograd, incidentet etnike e fetare në Kosovë, presioni politik në Maqedoninë e Veriut e Mal të Zi, si dhe deklaratat e herëpashershme të Dodikut për çështjen e Gjykatës së Bosnjës,  janë pjesë e një projekti”, tha Shala.