SKANDALOZE: Ja si po u rrezikohet jeta pushuesve nga plazhet e Velipojës deri në Vlorë
- Gazeta e Prizrenit
Emisioni investigativ Fiks Fareka realizuar një vëzhgim përgjatë vijës bregdetare shqiptare, nga Velipoja në veri deri në Sarandë në jug, për të verifikuar nëse zbatohet VKM-ja e vitit 2019 për sigurinë në stacionet e plazhit. Sipas këtij vendimi, çdo stacion duhet të ketë roje të trajnuar, kulla vrojtimi, pajisje shpëtimi, radio ndërlidhje dhe sinjalistikë me flamuj. Në rast mungese të këtyre kushteve, leja për aktivitet plazhi duhet të hiqet.
Të gjeturat
- Mungesë sistematike e rojeve dhe pajisjevenë shumicën e plazheve.
- Kulla formale me flamuj, por pa vrojtues, mjete ose sinjalizime funksionale.
- Raste fatale, përfshirë një pushues që humbi jetën në Durrës në qershor 2025, për shkak të mungesës së vrojtuesit
Velipoja dhe Shëngjini: Rojet mungojnë, pushuesit ankohen
Në këto zona, Fiksi gjeti shumë stacione pa kulla dhe roje. Në disa raste, punonjës sezonalë “ruanin” plazhin përveç punës së tyre. Pushuesit u ankuan për mungesë sigurie, ndërsa theksuan se prindërit shpesh janë të zhytur në telefon, duke mos kontrolluar fëmijët.
Durrësi: 2.5 km plazh, vetëm 8 kulla dhe 1 roje
Nga 8 kullat, vetëm një kishte roje të pranishëm, që gjithashtu mungonte në momentin e vëzhgimit. Distanca mes kullave ishte 300 metra, ndonëse VKM-ja kërkon nga një roje çdo 80 metra. Kushtet ishin minimale: mungesë flamujsh, pajisjesh dhe shkallësh për kullat.
“Këtu mungon gjithçka, vetëm ankesa ka” – tha një punonjës.
“Kam 5 ditë këtu dhe s’kam parë asnjë roje” – u shpreh një pushues.
Vlora (Lungomare dhe Zvërnec): Pushues në rolin e rojës
Në Lungomare, kullat ekzistojnë, por shpesh janë bosh ose të zëna nga pushues. Në disa raste, punonjës të pa trajnuar thonë se “i ka trajnuar rruga”. Në një rast, një vrojtues i paidentifikuar thotë:
“E kam vendosur unë kullën, po shkova të freskohesha.”
Në Zvërnec, gjendja është edhe më e rëndë: kulla të vjetra, pa vrojtues dhe pa mjete shpëtimi. Disa punonjës as nuk dinin nëse kishte ose jo vrojtues në stacionin ku punonin.
