Trump publikon kartëmonedhën me nënshkrimin e tij, shfaqet për herë të parë në valutën amerikane

Presidenti i Shteteve të Bashkuara, Donald Trump, ka publikuar një fotografi të një kartëmonedhe 100-dollarëshe që mban edhe nënshkrimin e tij, një ndryshim që vjen pas vendimit të Departamentit të Thesarit për ta përfshirë atë në një emision përkujtimor.

Ky është rasti i parë që nënshkrimi i një presidenti amerikan shfaqet në një kartëmonedhë, krahas atij të Sekretarit të Thesarit.

Vendimi ishte paralajmëruar muaj më parë nga administrata amerikane, në kuadër të aktiviteteve që lidhen me 250-vjetorin e pavarësisë së Shteteve të Bashkuara.

Ndërkohë, në Kongres është diskutuar edhe një propozim për emetimin e një kartëmonedhe përkujtimore prej 250 dollarësh me portretin e Trumpit, megjithëse nisma përballet me pengesa ligjore, pasi legjislacioni aktual lejon që në monedhat dhe kartëmonedhat amerikane të paraqiten vetëm figura të personave të ndjerë.