Një tjetër aksident në Vlashnje të Prizrenit, banorët kërkojnë masa sigurie në trafik

Një tjetër aksident trafiku është raportuar në fshatin Vlashnje të Prizrenit, vetëm pak ditë pas aksidentit tragjik që ndodhi në këtë fshat.

Lajmin e ka bërë të ditur kryetari i Bashkësisë Lokale të Vlashnjës, Petrit Hoxhaj, i cili ka njoftuar se një veturë e tipit “Golf 5” është përplasur me një betonierë.

Sipas Hoxhajt, drejtuesja e veturës fillimisht është larguar nga vendi i ngjarjes, ndërsa më pas është kthyer duke deklaruar se do ta rregullojë dëmin e shkaktuar.

Ai ka thënë se rasti ka shkaktuar shqetësim te banorët, të cilët, sipas tij, janë ende të prekur nga tragjedia e ndodhur pak ditë më parë, raportoi Tv Prizreni.

Hoxhaj ka kërkuar masa konkrete për rritjen e sigurisë në trafik në këtë zonë, duke theksuar nevojën për ndërhyrje për të parandaluar aksidente të tjera.

Lexo edhe:

Gjykata e Prizrenit vendosi për vrasjen e rëndë të qershorit në fshatin Kobaj