E sulmoi personin zyrtar, prokuroria kërkon paraburgim për të dyshuarin

Prokuroria Themelore në Gjilan, ka parashtruar kërkesë për caktimin e masës së paraburgimit në Gjykatën Themelore në Gjilan, ndaj të pandehurit SH.H, për shkak të dyshimit se ka kryer veprën penale “’Sulmi ndaj personit zyrtar’’, të Kodit penal të Republikës së Kosovës.

Sipas kërkesës, ekziston dyshimi i bazuar se i pandehuri SH.H., më 31 korrik 2024, në Gjilan, me dashje i ka sulmuar pesë zyrtarë policorë.

Po ashtu që derisa të njëjtit ishin në një pikë kontrolli, duke ushtruar autorizimet e tyre ligjore, afrohet i pandehuri afër tyre, ku fillon të ngacmonte kalimtarët në rrugë dhe pasi i tërhiqet vërejtja nga njëri polic duke i kërkuar që të largohej nga aty, i njëjti fillon t’i ofendonte dhe kanoste me fjalë policët, me ç’rast njëri prej tyre i afrohet dhe e njofton se prej tani është i arrestuar dhe do ta shoqëroin në stacion policor, atëherë i pandehuri e shtyen me duar dhe e godet në fytyrë ku si pasojë e lëndimeve ka marrë ndihmë mjekësore dhe po ashtu edhe pasi hynë në veturë e lëndon edhe një polic tjetër dhe i godet në këmbë zyrtarët policorë.

I pandehuri SH.H., me urdhër të prokurorit gjendet nën masën e ndalimit 48-orësh.