Prizren; Dërgohet për trajtim në Turqi djaloshi i lënduari nga shpërthimi i fishekzjarrëve
- Gazeta e Prizrenit
Mbrëmjen e fundit të vitit, Abdurrahman Memaj, pësoi lëndime të rënda nga shpërthimi i fishekzjarreve në Prizren.
Ai ishte i shtrirë në QKUK për trajtim, por gjendja e tij nuk u përmirësua.
Bashkësia Islame e Kosovës në bashkëpunim me Ambasadën e Turqisë në Prishtinë, kanë siguruar trajtimin mjekësor dhe transportin emergjent me aeroplan special për të.
Ai u dërgua në Qendrën Hulumtuese Spitalore për diegie të thella në Stamboll të Turqisë.
”Me këtë rast, Bashkësia Islame e Kosovës falënderon Ambasadën e Republikës së Turqisë dhe Qeverinë turke për mundësinë e trajtimit mjekësor në Qendrën Hulumtuese Spitalore për diegie të thella në Stamboll të Turqisë, duke bërë apel kështu për kujdes edhe më të shtuar.” thuhej në njoftimin e tyre.
