Kolo Muani vishet bardhezi

Pas disa ditësh pritje, më në fund Randal Kolo Muani është zyrtarisht një lojtar i ri i Juventusit. Klubi bardhezi me anë të një njoftimi në faqen zyrtare ka prezantuar afrimin më të ri në skuadër.

“Randal Kolo Muani është gati të veshë fanellën bardh e zi: Sulmuesi i PSG-së vjen në huazim te Juventus deri më 30 qershor 2025.

Juventus njofton se ka arritur një marrëveshje me Paris Saint Germain për blerjen, në mënyrë të përkohshme deri më 30 qershor 2025, të të drejtave për paraqitjet sportive të futbollistit Kolo Muani Randal për një shumë prej 1.0 milion euro, plus bonuse të veçanta që arrijnë në 2.6 milionë euro.

Tarifa mund të rritet, gjatë kohëzgjatjes së kontratës së performancës sportive me lojtarin, me një shumë jo më të madhe se 2.0 milion, me arritjen e objektivave të caktuara sportive”, shkruhet në njoftimin e klubit italian.