Nicolas Jackson kritikohet edhe për një gjest nga tifozët e Chelseat

Skuadra e Chelseat u mposht mbrëmë nga Manchester City në ndeshjen e vlefshme për Premier League me shifrat 3:1.

Nicolas Jackson dhe portieri Robert Sanchez ishin më të kritikuarit për këtë humbje të Bluve të Londrës.

Jackson humbi raste gjatë ndeshjes dhe tifozët tashmë kanë nisur ta kritikojnë lojtarin senegalez.

Dhe kjo kritikë nuk vjen vetëm për rastet e humbura, por edhe për një gjest që ka rënë në sytë e tifozëve.

Mbrojtësi i Manchester Cityt, Khusanov bëri një gabim që çoi drejt golit të Noni Maduekes.

Sulmuesi i Chelseat gjatë ndeshjes shkoi te lojtari dhe e ngushëlloi për gabimin e bërë.

Kjo nuk po i pëlqen aspak tifozëve, të cilët thonë se po të ishte Diego Costa do i nxerrte një karton të kuq lojtarit kundërshtar.