Tebas bën parashikimin për Vinin: S’besoj se do të ndodhë

Presidenti i La Liga-s, Javier Tebas, është i bindur se Real Madrid-i nuk do ta humbasë Vinicius Jr së shpejti.

Për Vinin ka pasur shumë zëra në lidhje me një transferim prej 350 milionë euro tek Al-Hilal pas largimit të yllit brazilian Neymar këtë javë.

Por Tebas tha në një ceremoni në Malaga:

“Kam lexuar kaq shumë gjëra për Vinicius Junior… Që po ikën, se po vjen. Por jo për të, për të tjerët. Nuk e di dhe shpresoj që Vinicius Junior, i cili është një nga lojtarët tanë të mëdhenj, të vazhdojë në kampionatin tonë.

“Por ashtu siç më pëlqen që Pedri të vazhdojë në La Liga, Lamine Yamal të vazhdojë, Mbappe të vazhdojë… Ne harrojmë Mbappe ose Bellingham, por Bellingham ishte lojtari më i mirë sezonin e kaluar.

“Ne kemi shumë lojtarë, gjithashtu Griezmann apo Julian Alvarez tek Atletico Madrid dhe lojtarë të tjerë që mendoj se po bëjnë një sezon të mrekullueshëm.

“Ka shumë lojtarë dhe nëse jo, do të vijnë të tjerë. Por unë mendoj se Vinicius do të qëndrojë sepse Real Madridi është një klub i madh dhe njerëzit duan të luajnë atje”.