Barcelona lë me gisht në gojë Bayernin

Barcelona është treguar mjaftueshëm dinake për të siguruar shërbimet e një prej qendërmbrojtësve më të kërkuar në Europë me parametra zero.

Bëhet fjalë për Jonathan Tah, i cili ka edhe 4 muaj kontratë me Bayer Leverkusen dhe më pas mund të largohet i lirë.

Për lojtarin e kombëtares gjermane ka shfaqur interes veçanërisht Bayern, aq sa në verë dukej e kryer lëvizja e shtatlartit në skuadrën bavareze.

Gjërat ndryshuan shpejt, sepse Hansi Flick hyri në lojë dhe i ndryshoi mendjen mbrojtësit.

Barcelona dhe Tah ende nuk kanë arritur një marrëveshje përfundimtare, por janë në proceset e fundit të bisedimeve.

Eksperti i merkatos, Christian Falk, shkruan se nuk ka asnjë mundësi që Tah të rinovojë me “Aspirinat”, pasi i ka njoftuar drejtuesit se do të largohet në fund të sezonit.