Galatasaray e padit Jose Mourinhon në UEFA për deklaratë raciste

Galatasaray ka bërë të ditur se do të bëjë ankesë në UEFA dhe në Federatën Turke të Futbollit për një deklaratë që portugezi e dha pas derbit mes tyre, e të cilën Galata e konsideron raciste.

“Në stolin e Galatasarayt po kërcenin si majmunët”, tha Mourinho.

Kjo shkaktoi olemika të mëdha në opinionin sportiv dhe publik në Turqi, ku shpejt nisi reagimi i gjerë “Thuaj JO racizmit”.

Galatasaray, që aktualisht kryeson kampionatin me gjashtë pikë epërsi ndaj Fenerbahçes, ka reaguar ashpër ndaj këtyre deklaratave, duke kërkuar ndëshkim për portugezin.