Liverpool përballë konkurrencës së madhe

Liverpool mund të përballet me një sfidë të madhe në përpjekjet për të siguruar shërbimet e sulmuesit suedez, Alexander Isak.

Sipas raportimeve nga Give Me Sport, Newcastle United ka vendosur një çmim të lartë për 25-vjeçarin, duke kërkuar të paktën 145 milionë euro për ta lënë të largohet.

Përveç Liverpool-it, interes për sulmuesin e talentuar kanë shfaqur edhe Chelsea dhe Arsenal, duke e bërë garën për nënshkrimin e tij edhe më të ashpër.

Alexander Isak ka qenë një nga lojtarët më të spikatur të Newcastle që nga transferimi i tij nga Real Sociedad në vitin 2022.

Suedezi ka treguar formë të shkëlqyer, duke shënuar gola të rëndësishëm dhe duke dëshmuar se është një nga sulmuesit më të talentuar në Premier League.

Me një kombinim të shpejtësisë, teknikës dhe aftësisë për të shënuar në situata të ndryshme, Isak është bërë një objektiv i lakmuar nga klubet e mëdha angleze.

Për Liverpool-in, ai mund të jetë një zëvendësim ideal për të forcuar repartin e sulmit, veçanërisht me të ardhmen e Mohamed Salah dhe Darvin Nuñez që mbetet e pasigurt.

Newcastle e sheh Isakun si një nga yjet kryesorë të skuadrës dhe nuk ka ndërmend ta shesë lehtë. Klubi dëshiron të sigurojë një shumë të madhe për të financuar projektet e tij të ardhshme dhe të qëndrojë konkurrues në Premier League.

Megjithatë, Liverpool nuk është i vetmi klub që synon shërbimet e tij. Chelsea dhe Arsenal gjithashtu janë në kërkim të një sulmuesi të klasit botëror dhe mund të përballojnë një ofertë të madhe për suedezin.

Chelsea, i cili ka pasur probleme me efikasitetin në sulm, e sheh Isakun si një zgjidhje afatgjatë. Nga ana tjetër, Arsenal është në kërkim të një qendërsulmuesi që mund të ndihmojë skuadrën e Mikel Arteta-s të luftojë për titullin e Premier League.