Reali takon Ligën e Federatën

Futbolli spanjoll ka bërë thirrje për ndryshim në sistemin e arbitrimit. Ishte një gjest publik dhe i dukshëm, dhe jo vetëm një luftë, siç do të donin të besojmë disa, mes Realit të Madridit dhe botës.

Takimi i zhvilluar në Madrid ishte vitrinë që të gjithë kërkonin për të shpallur nevojën për ndryshim. Të mërkurën e ardhshme do të hidhet një hap tjetër në vënien në skenë të kësaj metamorfoze të supozuar të një “bote”, atë të arbitrimit që gjithmonë është vënë në dyshim dhe gjithmonë do të jetë.

Në fakt gjyqtarët në Spanjë ndonëse ndër më të paguarit në Europë janë vendosur në syrin e ciklonit për shkak të situatave të krijuara në këtë sezon.

Të gjithë klubet pa përjashtim kanë pasur rezervat e tyre, por Reali i Madridit ka qenë më kritiku, madje, duke dërguar një letër të hapur në La Liga dhe në Federatën Spanjolle të Futbollit, duke shkaktuar një stuhi reagimesh.

Por me sa duket zhurma e bërë nga Reali ka bërë efekt, pasi klubi i bardhë është ftuar të marrë pjesë në këtë takim tresh mes klubeve, Ligës spanjolle dhe Federatës ku do të diskutohet për ndryshimet e mundshme.