E pabesueshme, Ancelotti: Kjo është hera e fundit që luajmë një lojë të tillë

Në ndeshjen e xhiros së 28-të të La Ligës spanjolle, lojtarët e Real Madridit arritën një fitore të rëndësishme si mysafirë ndaj Villarrealit me rezultat 2:1.

Pas ndeshjes, trajneri Carlo Ancelotti, u ankua për faktin se skuadra e tij e luajti këtë ndeshje në orën 18:30 të së shtunës, që është më pak se 72 orë nga ndeshja e tyre e mëparshme kundër Atletico në Ligën e Kampionëve.

Ajo ndeshje filloi të mërkurën në orën 21:00 dhe përfundoi me fitoren e Mbretërve pas një gjuajtjeje më të mirë të penalltive.

"Kjo është hera e fundit që kemi luajtur një lojë pa 72 orë pushim. Ne nuk do të paraqitemi dhe nuk do të luajmë nëse kjo ndodh përsëri. Ne i kërkuam La Ligës të ndryshonte orën e lojës dy herë. Por asgjë," tha ai.

Me këtë fitore Real u rikthye përkohësisht në krye të tabelës me tri pikë epërsi ndaj Barcelonës.

“Ky sezon është shumë stresues për ne për shkak të shumë ndeshjeve. Që nga fillimi i vitit 2025 kemi luajtur 22 ndeshje. Kjo do të thotë që nga janari kemi luajtur çdo tri ditë. E pabesueshme!", tha trajneri italian.