Messi shënon gol, Inter Miami vazhdon me fitore

Inter Miami ka vazhduar me fitore pasi ka triumfuar në udhëtim te Atlanta United, në një ndeshje ku ka shkëlqyer Lionel Messi.

Vetëm pas 11 minutave lojë vendasit e panë vetën në epërsi, kur Latte Lath realizoi për 1-0 pas asistimit nga Lennon.

Por epërsia e skuadrës vendase nuk zgjati më shumë se nëntë minuta, kur tetë herë fitues i ‘Topit të Artë’, Lionel Messi doli në skenë.

Ylli argjentinas shënoi një gol të bukur për të barazuar shifrat në 1-1.

Megjithatë për të gjetur golin e fitores, Inter Miami vuajti deri në fund të ndeshjes.

Zëvendësuesi Fafa Picault u asistua bukur nga Jordi Alba dhe shënoi me kokë për 1-2.

Me këtë fitore Inter Miami ndodhet në krye të Konferencës së Lindjes me 10 pikë pas katër xhirove, duke marrë një barazim dhe tre fitore.