Brazili në kërkim të trajnerit të ri

Brazili ka mbetur pa trajner pas shkarkimit të Dorival Junior.

Shkarkimi i Dorival erdhi pas humbjes turpëruese ndaj Argjentinës, të cilët u mposhtën 4-1 në Buenos Aires.

Sipas Fabrizio Romano, favorit kryesor është portugezi Jorge Jesus i cili mund të marrë drejtimin e “Seleçaos”, pas përfundimit të kontratës së tij me Al-Hilal.

Jesus, e njeh mirë futbollin brazilian pasi që më parë kishte qenë edhe trajner i gjigantit brazilian, Flamengo i cili arriti të fitonte 5 trofe mes tyre edhe Copa Libertadores.

Portugezi, ka menaxhuar edhe skuadra si Benfica, Sporting, Fenerbahçe si dhe së fundi Al-Hilal.