Përgjigja interesante e Messit

Lionel Messi dha një përgjigje humoristike kur u pyet nga legjenda e tenisit Andy Murray nëse mund ta luante në një natë të ftohtë dhe me shi në Stoke.

Messi, 37-vjeç, ishte në përfundim të Turneut të Miamit kur takoi Murrayn, gjithashtu 37-vjeç, i cili është fitues i tre titujve të Grand Slam.

Ata u takuan gjatë javës së kaluar dhe Murray, ashtu si shumica e njerëzve, kërkoi një foto me Messin. Tifozët mbetën të habitur nga mbishkrimi që Murray shoqëroi me foton.

Skocezi postoi një foto me Messin dhe shkroi: “E pyeta nëse mund ta luante në një natë të ftohtë dhe me shi në Stoke. Ai më përgjigji: ‘Callate la boca’, që unë mendoj se do të thotë po në spanjisht.”

Megjithatë, duket se spanjishtja e Murrayt nuk është aq e mprehtë sa aftësia e tij në fushën e tenisit. Fraza që Messi tha përkthehet në ‘Mbylle gojën’ në shqip.

Ky pyetje është bërë shpesh për Messin—nëse ai mund të përballonte fizikun e Premier League—edhe pse ai ka shënuar 27 gola kundër ekipeve angleze, kryesisht në Ligën e Kampionëve.

Fraza është përdorur fillimisht nga ish-analisti i Sky Sports dhe ish-futbollisti Andy Gray, i cili e përdori për të argumentuar se taktikat e Barcelonës nën drejtimin e Pep Guardiola-s ishin më të lehta për t’u zbatuar në kushtet e Spanjës, krahasuar me motin e ashpër në vende si Stoke, ku Tony Pulis ishte trajner në atë kohë.

Kjo nuk është hera e parë që Messi e ka dëgjuar këtë pyetje.

Në vitin 2018, gazetari spanjoll Guillem Balague zbuloi se ai e kishte pyetur Messin nëse mund të luante në një “natë të ftohtë dhe të lagësht në Stoke,” për të cilin Messi u përgjigj me humor: “Duhej të kishin parë fushat në Rosario ku kam luajtur, dhe isha mjaft i mirë atje.”

Sot, Messi po luan për Inter Miami dhe është pak e mundur që të përballet me kushte të vështira si ato në veri të Anglisë, pasi stadiumi i klubit në Fort Lauderdale, Florida, është një vend ku moti është më i ngrohtë.