Luca Toni për yllin e Serisë A: Ka fuqi dhe cilësi

“Sinqerisht, Kean më ka befasuar.

Dhe jam i bindur se ai ende mund të përmirësohet. Ne nuk kemi parë më të mirën e tij”.

Kështu ka folur për Gazzetta dello Sport, Luca Toni është një ish-sulmues që fitoi Këpucën e Artë teksa mbante fanellën e Fiorentina-s.

Analiza e ish-sulmuesit vazhdon, me Kean, i cili pas golit të shënuar në ndeshjen e fundit ndaj Atalanta-s, është ngjitur në 16 në kampionat:

“Para pushimit ndoqa Fiorentina-Juventus për Dazn nga Franchi. Moise nuk shënoi në atë ndeshje, por personalisht më bëri përshtypje edhe më shumë për forcën fizike dhe cilësinë e tij në sulm. Nuk e kam parë kurrë kështu, ai është rritur shumë këtë sezon”.

Nga zero gola me Juventusin (2023-24) në 21 me Fiorentina-n: dhe jemi vetëm në fillim të prillit. A mjafton ajri i Firences për të shpjeguar transformimin e Kean?

“Kjo padyshim ndihmon. Firence është një qytet i mrekullueshëm që transmeton dashuri të madhe për yjet e saj, këtë e them nga përvoja personale.

“Fiorentinët presin shumë në stadium, por kur të takojnë në rrugë të bëjnë të ndihesh i përkëdhelur.

“Kean kishte nevojë për këtë dashuri dhe atë të Fiorentina-s. Ndonjëherë duhet vetëm trajneri dhe konteksti i duhur për t’i kthyer gjërat dhe për të bërë hapin”.