City e zyrtarizon largimin e De Bruynes

Kevin De Bruyne do të largohet nga Manchester City në fund të këtij sezoni.

Mesfushori i Kombëtares së Belgjikës përmes një postimi në rrjetet sociale ka njoftuar publikun se po luan muajt e fundit te skuadra nga Premier League, shkruan Indeksonline

Ai thotë se s’është e lehtë të shkruash një komunikatë të tillë largimi.

“Nuk është e lehtë, por si lojtar ju e dini se këtij momenti i vjen koha.

Kjo ditë është sot dhe dua që këtë ta dëgjoni nga unë. Kjo skuadër, ky klub, këta njerëz më dhanë gjithçka.

Dhe qellojani, ne fituam gjithçka”, shkruhet në letrën e mesfushorit belg

Edhe skuadra e Manchester Cityt përmes rrjeteve sociale e konfirmoi largimin e lojtarit belg, që qëndroi në klub për më shumë se 10 vjet.

De Bruyne nuk dihet se ku do të luajë në të ardhmen, por flitet se tashmë ka oferta nga klubet e Arabisë Saudite.