Arsenali planifikon 3 blerje të mëdha në verë, ja objektivat

Arsenali kërkon të bëjë investime të rëndësishme në merkaton e verës, teksa emri më i përfolur në orët e fundit është ylli i Spanjës, Nico Williams. Nuk do të jetë një mision i thjeshtë për të bindur Bilbaon, të cilët refuzuan oferta të shumta verën e kaluar.

Sipas zërave që vijnë nga Spanja, tashmë është takuar me rrethin e lojtarit, i cili për momentin nuk përjashton një transferim të mundshëm në Premier League.

Sapo të mbyllet marrëveshja me Williams, Berta do të provojë një goditje tjetër prej 90 milionë euro për Viktor Gyokeres i Sportingut.

Ai po zhvillon një sezon fantastik me 43 gola në 43 ndeshje.

Në mesfushë, objektivi është Martin Zubimendi nga skuadra e Sociedadit për të cilin do të duhen rreth 60 milionë euro.

Ardhja e tij mund të përkojë me largimin e Thomas Partey dhe Jorginho, kontratat e të cilëve po skadojnë dhe nuk ka ende akord për vijimin e tyre.