Carlo Ancelotti e ka bërë të qartë:
- Bota Sot
Carlo Ancelotti e ka bërë të qartë: e ardhmja e tij është në Spanjë.
Gjatë konferencës për shtypin në prag të ndeshjes kundër Valencias, trajneri italian përsëriti se nuk do të jetë ai që do të largohet nga Real Madridi.
Fokusimi i tij mbetet te fusha dhe javët e ardhshme:
"Është e vërtetë që jemi përmirësuar si ekip.
Mendoj se ndaj Real Sociedadit, Alaba bëri një ndeshje të mirë".
Duke iu referuar humbjes në Copa del Rey, Ancelotti shtoi: "Për shkak të qëndrimit që patëm në mbrojtje, nuk e meritonim të pësonim katër gola.
Këtë sezon kemi qenë më efikasë në sulm, sidomos me ardhjen e Mbappésë, i cili ka shënuar 33 gola.
Megjithatë, kemi vuajtur më shumë prapa.
Kjo është normale. Kur zgjedh të forcosh një aspekt, mund të kesh më shumë vështirësi në një tjetër.
Kemi menduar të kemi këtë efektivitet dhe të punojmë më shumë në mbrojtje si ekip."
Ndeshja kundër Valencias nuk do të jetë e lehtë për ‘Los Blancos’: "Jemi mirë, ka disa dyshime natyrisht, por skuadra është e motivuar.
Jemi të vetëdijshëm që Valencia po bën shumë mirë dhe e dimë që kjo do të jetë një fazë shumë e ndjeshme e sezonit për ne."
