Leon dhe Pachuca apelojnë

Tribunali i Arbitrazhit Sportiv (CAS) ka konfirmuar të premten se ka marrë ankesa të veçanta nga klubet meksikane León dhe Pachuca lidhur me vendimin e FIFA-s për ti ndaluar ato të marrin pjesë në Botërorin e Klubeve.

Pasi të dy klubet ndodhen nën pronësinë e të njëjtit investitor, Jesús Martínez, FIFA vendosi të përjashtojë Leónin nga turneu, pasi dy skuadra me të njëjtin pronar nuk mund të marrin pjesë në të njëjtën garë ndërkombëtare.

Në ankesën e tyre, León dhe Pachuca argumentojnë se plotësojnë të gjitha kriteret e nevojshme për të marrë pjesë, ndaj kërkojnë që León të rikthehet në turne.

Cili klub mund të përfitojë nga situata?

Alajuelense, një klub nga Kosta Rika, ka dorëzuar një ankesë në TAS duke pretenduar se León dhe Pachuca nuk duhet të marrin pjesë dhe se ata vetë meritojnë një vend në Botërorin e Klubeve.

Çështja e tyre do të shqyrtohet më 23 prill, ndërsa seanca për León dhe Pachuca është caktuar më 5 maj.

FIFA po shqyrton një ndeshje play-off

Një nga opsionet që FIFA po shqyrton është zhvillimi i një play-off mes León dhe Alajuelense për të vendosur se cila skuadër do të marrë pjesë në turne.